×

مصريون في الكويت

EGKW

خبر عاجل

جائزة سمو الشيخ سالم العلي الصباح للمعلوماتية تطلق النسخة الثامنة لمسابقة شفت الكويت بعنوان "صحتك" ::: عبدالرحيم ثابت المازني يكتب.. طرف ثالث ::: الإمارات: الحصول علي تصريح الدخول قبل حجز تذاكر السفر ::: هبله ومسكت طبله.. بقلم: حسام الامام ::: وزارة التربية: 5 ساعات الدوام المدرسي في استكمال العام الدراسي للثاني عشر ::: سعر صرف الدينار الكويتي والعملات اليوم الاثنين 3 أغسطس 2020 ::: 8 رحلات تغادر الكويت و9 تصلها ::: الطيران المدني الكويتي تضع شرطا لدخول المسافرين من الدول المحظورة ::: الأرصاد الكويتية تحذر من طقس اليوم ::: شقق وأراضي ومقابر.. كيف تستفيد من طروحات الإسكان في المدن الجديدة (أسعار وخطوات) ::: "بلدية الكويت" ترد على ما يتم تداوله بشأن "الاستعانة بـ 12 مستشارا وافدا" في الإدارة القانونية ::: أهالي السنبلاوين في انتظار جثة الشاب المصري الذي قًتل في الأردن ::: وقف طيران الكويت يمنع وصول جثة شاب مصري لدفنه في الدقهلية ::: زجاجة بجوار تركي آل الشيخ تثير جدل رواد السوشيال ::: ننشر الصور الأولى لحادث مصرع وإصابة 15 في انقلاب ميكروباص بترعة المريوطية :::

إمبراطور الإنسانية.. أحمد زكي عزم كلاب الشوارع علي كباب وكفته

إمبراطور الإنسانية.. أحمد زكي عزم كلاب الشوارع علي كباب وكفته

أحمد زكي

+    -
13/12/2019 09:12 م
كتب : مصريون فى الكويت
الإمبراطور.. لقب أطلق علي الفنان الرحل أحمد زكي، لكنه ليس فقط إمبراطور الفن بل إمبراطور الإنسانية، كان لين القلب طيب الكلمة سمح الوجه، لن يقصده سوا القريب أو الغريب الا لبي له طلبه، فهو إنسان من الدرجة الأولي .
كشف المخرج مجدي الهواري، عن موقف إنساني للإمبراطور، وذلك عبر صفحته الشخصية بموقع الاجتماعي إنستجرام.، و نشر صورة للفنان أحمد زكي، وعلق قائلًا: "عايز أكلمكم النهاردة عن الفتى الأسمر رحمة الله عليه، إبراهيم نصر بيحكي وبيقول كنت قاعد مستني أحمد زكي في مكان ما بسيط كده بشرب شاي، جه في ميعاده ولقيته بيقولي هروح أستلم جايزتي عن فيلم "أنا لا أكذب ولكني أتجمل" في السريع كده، وارجع بسرعة خليك قاعد".
وقال" راح وجه متأخرش وراجع بتاكسي ومطلع
إيده من التاكسي وعمال يقولي الجايزة أهي، وكأنه بيقولي هي دي بقى البتاعة اللي الكل بيجري عليها، هو ماكنش بيهمه الجوايز لدرجة إنه نسي شهادة التقدير في التاكسي، والسواق قعد يقوله الورقة يا أستاذ نسيت الورقة".
وأضاف "المهم قالي أنا جعان تعالى أنا عازمك على كباب وكفتة، ولأنه كان راجل بسيط جدًا رحنا لمحل كده هو كان بيحبه كانت قعدته على الرصيف، بدأ يتحطلنا الأكل وعلى ريحة الأكل اتجمع كلاب الشارع، كلب ورا كلب ورا كلب، أول ما صاحب المحل شاف المنظر جري ناحية الكلاب ومسك كلب وقعد يضرب فيه برجله، أحمد زكي قام وراح حايشه ومنعه
ومزعقله وقاله إنت بتضربه ليه جعان يا أخي ذنبه إيه إرحم يا أخي، وراح قايله خش هاتله كيلو كباب وكفتة واعمله هنا على الرصيف سرفيس كامل وشوكة وسكينة وسلطات وكل حاجة كإنك بتنزل لزبون".
وأوضح "وفعلا الراجل دخل وجاب الكباب والكفتة، وفرش للكلب على الأرض وكل شوية أحمد زكي ينده عليه ويقوله هاتله سلطة، هاتله مخلل، هاتله عيش، وكأنه عاوز يبسطه وينسيه تعب الضرب والأهانة، وبيقول الغريب إن الكلب كان بيأكل وهو خايف وعمال يبص وراه، لأنه اتعود أن مفيش لقمة بتيجي سالكة كده، راح أحمد زكي باصصلي وقايلي: شوف خايف إزاي حتى والأكل جايله مخصوص مش سرقة".
وختم الفنان قائلًا "صعب أنك تخلي حد يطمن بعد ما عاش طول حياته في خطر، اللي بينكسر مننا وبيتخان مبيصدقش أن ممكن حد يحافظ عليه تاني، وبيعيش حياته بيتلفت وراه كده لو الناس تعرف الأذى اللي بتسببه للحيوانات والبشر هيعرفوا أنه مبيتنسيش مهما طال الزمن وهنعيش مروشيين بسببهم".
المصدر: ا.ي

اكتب تعليقك

ادارة الموقع غير مسئولة عن تعليقات المشاركين واى اساءة يتحملها صاحب التعليق وليست ادارة الموقع